Warning: Invalid argument supplied for foreach() in /home3/lavoix/public_html/wp-content/plugins/wp-twitter-timeline/wp-twitter-timeline.php on line 236

wa’u wano… ! Sois comme / Be like… !

 

wa’u wano ndiyam iloojam

ka dokkal maa e ka ballal maa

wa’u wano naange maarasi

ka giɗaale e ka yurmeende maa

wa’u wano jemma ndunngu

ka surrugol ayyibe e ellaaji ɓeyaa

wa’u wano leydi njaare

ka ɓennugol moneeji e tikkere maa

wa’u wano leydi ka yankinaare maa

wonu joom  giggol

wonu joom neɗaaku

wonu joom liimanaaku

kono nde ndimu maa yaaɓaa

teddungal e dow maa ittaa

wonu joom dartal

wonu joom murtal

sabu ndimu yeebii ƴiiƴam

wa’u wano Bokar Biro ka dartal

annditu Mandela, Malkom, ko misal

ardin hakkil e ñeeñal

kono pooma wota jaɓu jaasal

si neɗɗo ɓoorii ma teddungal

tappu mo  tiiɗal piggal

nde o artiri hitteendi e teddungal

ka maa, jaɓu jewte e diisondiral

poolgal, murtal, dartal

kori suɓo ko honngal e ballaŋal

si tawii ko artirta ndimu e nunɗal

ko nde wa’uɗaa wa maɓɓe

an kadi hawku kulol e hersa

wontu kullal, tiindo haa hettaa

ndimu, teddungal e nunɗal

wa’u wano… !  

 

 

Kɗl : Tidiane Maloun BARRY, Paris, Faransi.

www.peeral.com

 
 
 

0 Comments

You can be the first one to leave a comment.

 
 

Leave a Comment

 




 
 
*
 
 
 
Sharing Buttons by Linksku